DOWNLOAD: Damian Soul Ft Vanessa Mdee - KAUMBA (New Song)
Msanii wa R&B na Soul nchini, Damian Soul ameachia wimbo mpya
alioupa jina ‘Kaumba.’ Muimbaji huyo mahiri ameachia ngoma hiyo
inayofuatia wimbo wake Tudumishe aliomshirikisha rapper anayeheshimika
Tanzania, G-Nako.
Kwenye Kaumba Damian
amemshirikisha Vanessa Mdee na unazungumzia jinsi Damian anavyompata
msichana ambaye Mungu kamuumba zaidi hata ya matamanio ya moyo wake. Na
kama jina lake lilivyo, wimbo huu wenye ladha ya soul na vionjo vya
asili unawapa nafasi Damian na Vanessa kuimba kwa kujibizana kuhusu
wanavyopendana.
Wimbo huu umetayarishwa kwa
ushirikiano wa Damian Soul na Sappy. Sappy anafahamika pia kwa
kutayarisha ngoma zilizofanya vizuri ukiwemo XO wa Joh Makini. Wimbo
huu una vionjo vya Sindimba ukiwa na sauti tamu za gitaa zilizocharazwa
na Damian Soul mwenyewe huku Sappy akimalizia vitu vingine.
Damian
Soul pia anajulikana kwa nyimbo kama Nipenzi aliomshirikisha Joh
Makini, Dua la Kuku na Hakuna Matata. Kaumba unakuwa wimbo wake wa sita
na ambao bila shaka utaonesha upande wake mwingine zaidi ya
alivyozoeleka katika soul – ladha aliyoitoa kwa baba yake na unakuwa
wimbo wa kwanza kumshirikisha Vanessa Mdee.
DOKEZO KWA WAHARIRI
Damian
Soul ni muimbaji wa vionjo mnyanganyiko vya Kiafrika (Afro Fusion)
aliyejulikana kwa kushiriki kwenye msimu wa tano wa shindano la Tusker
Project Fame na pia kushiriki kwenye shindano la Maisha Superstar.
Anajulikana pia kwa kushiriki kwenye Jahazi Jazz Festival 2015 visiwani
Zanzibar alikopanda jukwaa moja na wanamuziki nguli wa Afrika na
washindi wa tuzo za Grammy.
